早兩日同朋友食飯, 佢話見上個星期升左成千點, 佢因為覺得大巿已經差不多見頂, 就係$85 放哂隻5 號仔, 但係, 佢係由$90 開始一路跌一路買到$7X, 平均買入價為$85, 都HOLD 左成大半年, 但係宜家無PROFIT 咁就放左....我聽完之後, 真係得啖笑.... 除左輸左時間, 更要蝕手續費....到底呢位朋友究竟知唔知自己做緊乜? 或者, 佢收左一兩次息就已經好心滿意足喇....

另外, 仲有一樣野本人覺得好好笑, 啲C9 好得意, 經常打電話上財經節目去問人止賺止蝕位, 不過, 佢原來又已經入左貨, 我心裏面就有好多問號...

點解自己買貨要打去問人? 點解唔係心中有數先買? 反而會係買完先打去問人? 果啲通常都係財經演員, 你又無比錢佢, 佢答錯你, 累你輸錢又無責任要負? 咁點解仲要信佢? 好多C9 仲要問人止賺? 止蝕? 係咪佢叫你永遠唔好放, 你就唔放? 佢叫你聽朝唔理價放貨, 你第二朝就賣? 到底啲錢係你定係佢既呢??

奇輪怪....