股災？

1. 從未見過股災會係恆指PE 12倍出現，國指咁高PE 就有可能，若果你認為兩者係有絕對關係另作別論，海綿就覺得恆指只會有限度受影響，即使跟插之後，港股都會急彈，係呢一大升浪另一入貨機會。

2. 希臘公投後，唔會脫離歐羅區，呢班懶人試問佢地點會選擇復用返貶哂值既廢幣？

「上帝要你滅亡 必先令你瘋狂」

令你瘋狂的藉口有了，大家瘋狂的日子即將來臨!!

溫故知新:
2007年10月30日，港股恒生指数达至31638点，攀上历史最高点。这是香港股市风云变幻的一年。内地金融机构获准来港发行人民币金融债券，扩大ＱＤＩＩ投资范围及投资额度……在一连串利好消息的刺激下，港股市值、成交量、单日涨跌幅等多项市场指标屡创新高。

http://yn.yninfo.com/message/data/201306/t20130628_2084188.html

師奶股票心態研究

今日聽到個師奶親戚話個女，聽完我就更明白點解師奶係股市搵唔到錢⋯

師奶：「阿女，早幾日你隻xxxx 賺左幾千蚊，叫你放左佢架喇！宜家又跌返落黎喇！」

未夠五分鐘⋯

師奶自搥心口呻：「之前自己買隻xxx，賺左幾千蚊放左！如果唔放揸到宜家，賺幾萬蚊呀！」

賺幾千蚊又要走唔切，咁你點會賺到幾萬蚊呢！？我真係笑到gap gap 聲⋯⋯

招商銀行仍然是增長最快既內銀

近半年海綿先生都唔得閒出文，皆因忙於新店開張，經過半年努力，公司終於順利開張，宜家開業兩個月，收入都尚算可以，希望業務可以蒸蒸日上，令海綿先生可以步向財務自由之路。有讀者有興趣知道我開咩公司，可以留言比我，我可以私底下同你地分享下經驗。

講返招商銀行3968 先，岩岩出完業績，啲大鱷又話要減持!? 前三季純利為347.9億元人民幣(下同)，同比增加22.55%，除左民生銀行1988 增長30%之外，同比增長已經係眾內銀之首。但民生銀行以往業績並不及招商銀行穩定，所以筆者仍然以3968 為首選。另外，大行報告指招行息差收窄，其實呢個係所有內銀面對同樣既問題，並非只有招行受到減息既影響。

總結筆者仍對招商銀行3968 充滿信心，係內銀二線既首選，會繼續長期持有，相信未來增長既潛力會遠比其他內銀優勝。

Sell in May and go away!?

海綿先生並唔相信！唔係押韻、順口就可以隨口噏；當祕笈！

內房破產？

尋日睇到新聞有第一間內房破產；從股價既反應，可見巿場立即解讀為負面因素，但我肯定過幾日，解釋就會一百八十度轉變，反而話係汰弱留強，係有利其他仍然幸存既公司！係眾多內房入面，海綿先生就較睇好恆大（3333），點解？一來，舊年一致看淡內房既業績，但恆大仍然有倍數既營業額同盈利；二來，政府政策講明要起多啲保障房，正正配合恆大既目標！

220,000 票 150,000 白票

超過五成白票，你認為代表了乜呢？大家自己演繹吧！成報可以試試自己改動選票數字，再從新演繹出另一個結果！